http://director_yuen.mysinablog.com/rss.php?profile=atom 2009-11-29T11:55:56Z mysinablog-2.0 } http://mysinablog.com/gallery/53/2/565/profile.jpg http://director_yuen.mysinablog.com/index.php?op=ViewArticle&articleId=2031191 2009-11-17T06:20:00Z 2009-11-29T11:55:56Z http://director_yuen.mysinablog.com

Steve份mockup又趕又煩........
做到下晝開始鼻塞兼超頭痛.....

做完Steve份mockup仲要幫Warren做 render，
七點前先收工........頭痛到想死咁濟.......

個蜜月旅行開始有消息，
暫定為1月4日出發......
今晚send埋個passport俾阿邪~~~~~

今晚繼續清雪櫃既存貨.......
希望星期三朝可以溶雪........
冰格d雪積到史無前例咁厚.......]]>

http://director_yuen.mysinablog.com/index.php?op=ViewArticle&articleId=2029811 2009-11-16T07:55:07Z 2009-11-29T11:55:56Z http://director_yuen.mysinablog.com

希望能避免呢個情況發生啦..........

星期四收工留到七點先走，Warren話車我走....
坐佢架BMW牛摩托.........
幾十歲人第一次坐電單車，
仲要第一次坐就唔載頭盔.........
雖然只係三分鐘路程，但都好緊張，
因為都驚會遇到警車......
原來我都黑唔哂~~~~~~~~`

公司咭片我只用左個零鐘就做好一款，
效果同反應出奇地好~~~~~~~
唔知會唔會返香港前印到呢........

兩星期前輕微曬傷既手臂，
依家先開始慢慢甩皮.....
算係咩速度既新陳代謝？

星期六，九點未夠就俾Warren嘈醒，
幫佢轉format再send返俾佢，十點零搞掂，
但唔想再訓囉......
兩點半Iles黎到，帶左一袋菜俾我......
補完習問二姐先肯定係大白菜，
問左點煮好，但為免麻煩........
都係扔埋落煲粥度就算，但煮出黎又幾好味~~~~

星期日點零Warren又搵我.......問我有無時間？.....
我真係想話好忙.......
有張圖幫佢cut out.........仲要係佢私伙野.......
都幾複雜，部latop又唔就手，五點前先搞掂......

之後幾個鐘終於可以為所欲為.........
近排好似好耐無hea.........

同彭小姐morning talk，問我點解無乜暗瘡？
由小學開始既努力........真係有成績既~~~~呵

下個月既呢一刻，我應該係捱緊十幾個鐘既飛機.......
要諗清楚有咩要準備定.......]]>

http://director_yuen.mysinablog.com/index.php?op=ViewArticle&articleId=2019142 2009-11-10T06:47:00Z 2009-11-29T11:55:56Z http://director_yuen.mysinablog.com

今日返工特別累.........

尋晚已經趕起哂雜誌cover layout......
前前後後都用左十幾款.......乜style都做齊........

Chad返到黎無耐就捉我入Boardroom呻.....
原來佢尋晚無再send野俾Warren.......
亦都無再同Warren聯絡~~~~~~
佢好不滿及唔明Warren既做事手法，
而Warren又唔會點幫手做.........
的而且確，點解要咁急星期日send出，
只有Warren先知.....我就睇唔到email裡面，
個客有提過dead line之類既野........

乜都係weekend做哂.......今日就全日無野做......
唔係無既，仲有款新單車燈要搞.........
而上次個design，個客話用左Poland & France design，
呢種黑箱式作業.......我係懷疑呢個客有問題，
Chad都認同我既睇法.........不過我就話講完就算，
無謂同Warren講，感覺只會盞搵野黎拗..........

上次幫Steffy做既design功課，有9/10分，
呢part係全班最高.......總算不負現役之名~~~~
今日又有份功課Logo要design，
夜晚用左個零鐘做左款，係無乜心機做，
完成後感覺麻麻......又唔太肯定今次佢想點.......
send左俾佢睇睇先算~~~~]]>

http://director_yuen.mysinablog.com/index.php?op=ViewArticle&articleId=2007703 2009-11-03T06:52:10Z 2009-11-29T11:55:56Z http://director_yuen.mysinablog.com

都係重點記下就算~~~~~~

26 Oct  
今日終於去左度身，間鋪好簡陋~~~~
見到有西裝，但亦好多其他衫做，
師傅度身時好仔細，聽佢講先知我身材有d怪....
即時無料揀，要過兩日先有.........

27 Oct
放工同Chad去禁機，完事後Chad話頭先有人望住我，
唔好行呢條路，而我根本都唔行呢邊~~~~
當我行左陣再過馬路後，有三個人亦跟住過，
之後有一個人行左我前面，轉身對住我，
拎出把刀仔指嚇我，其餘兩人就想捉住我同搶頸鍊，
我就無考慮之下同佢地紏纏，最後俾我推開哂佢地，
佢地亦唔敢再埋我身，我盛怒下仲叫佢地Come On，
有個仲叫我執返個鍊墜，我當然無理佢~~~~
最後佢地就施施然咁走哂.........
三個人年紀最多都係廿多歲，又矮又瘦，
而且好明顯無乜經驗.......
因為根本無必要係我面前(露械).......
而我損失既只係條幼頸鍊被扯斷左~~~~~~

28 Oct
返到公司講返尋日既露械事件.......
全部人都唔提議報警......
Caroline仲好擔心咁問我係咪好擔心自身安全.........
嗯......與其話擔心，不如話討厭會貼切D~~~~~~

29 Oct
再去栽縫鋪揀料......但highway塞車，
兜小路去，結果個幾鐘先去到........
期間同Caroline講左我想plain幾時走
師傅俾左四款料我揀........真係多謝哂......
揀左款暗紋既料就算，
之後同Caroline去左個零售批發既店買Halloween玩具.....
真係好多平野，不過比我就真係揀唔落手........

30 Oct
俾一份來歷不明既單車燈design搞到頭爆........
Warren既指引亦好茅盾........
同 [慢慢黎、唔使急、最緊要快]有異曲同工之妙......
最後我都搞掂好個model，
不過星期日要返黎搞埋個presentation.......
返到屋企同Warren講我個AMP要帶返香港，
所以聽日可以借俾佢直至到12月，
佢問我點解？我吹水話我fd搬完屋想玩返......
其實係為我遲早會返香港而作既準備~~~~~~

31 Oct
朝早八點半就到我樓下，上車後出發去Milneston Market
九點去到，行到十二點.......
我係行第二轉時有收獲，買左R50既一手Zippo，抵到爛
一把R30防身用既摺合刀~~~~
而最大收(獲)都算係我搵到部SX70 Poladroid........
終於可以親手接觸部實物，真係有d感動.......
部機索價R450......上網拍賣最平都要$600，
最貴要$1,200.........我爭d就想俾錢行人.......
雖然Poladroid呢d機械相機好襟用，
但用R450黎買一部唔知work唔work既機就........
部機亦都唔係我想要既啡色.........
而且我亦都要禁機先夠cash~~~~~
最後都係理智忍痛地放低......

行完三個鐘後，結果係曬傷左........

01 Nov
中午返左公司做野，一邊就同Bonnie開mic傾計，
一直以為佢有收到阿邪既(姊妹通訊).......
同佢講返咩事，佢火都黎埋..........
我亦都講埋前幾日既露械事件，又俾佢哦左一大輪......

五點前就搞掂返到屋企~~~~~
終於可以Hea返下

02 Nov
暫定新公司為Sprinkler，我用左個零鐘create左個Logo，
用返上次Dabby用唔著既concept黎design，
正當佢地討論緊又想棄用Sprinkler時，我就send俾佢地睇，
Warren收到讚到飛起.......已經唔再提棄用問題~~~~

Chad今日無厘神氣，我問Caroline佢咩事
原來佢收到最後通碟，因為佢既遲到完全無改善
上星期朝Simon搵佢又未返，Steve之前都有同佢傾過
今次終於由Adam出信.......
雖然仲要等Steve簽名後再send出，
但其嚴重性Caroline形容為：Almost Fire.....
如果Chad都走埋既話，我都唔敢想象..........

三點零先收到個Nike巴士mockup，
收工前Nour話聽朝想要.......
我留到六點前先走~~~~
Ryan今日生日黎左接Caroline放工，
佢示範我把摺合刀點樣一fing就打開.......
但我由公司練完返屋企再練，
練到隻手都痺埋都未成功到.......]]>

http://director_yuen.mysinablog.com/index.php?op=ViewArticle&articleId=1998547 2009-10-28T07:37:50Z 2009-11-29T11:55:56Z http://director_yuen.mysinablog.com

我都係俾陽光曬醒既~~~~

落街買定今晚沙律既菜，
返上黎就hea玩MH，今日唔想諗野......

三四點食左包芝士條，
飽到夜晚都無整野食，唯有留返聽日~~~~

入夜後開始多雲轉涼，夜d仲好似見到閃電.......
十二點後天氣開始轉壞，愈黎愈大風，
仲聽到一個可能呢世人最長既雷.........
唔係好響，但至少維持長達十秒~~~~~
之後就開始橫風橫雨，
未到兩點個窗仲不停傳出撞擊聲........
心諗點大雨都無可能咁大聲，細心一睇，
見到一舊白色野撞向窗........落雹？
大約維持左十幾分鐘就停左，
但就驚足十幾分鐘，
因為咁樣好容易就打爆玻璃..........
樓下有車都因為咁而響alarm......

香港睇落雹又上山又捱凍，
估唔到呢度安坐家中就感受到.........

日頭先曬到死，夜晚就落雹..........
呢度天氣反覆得都好盡下........]]>

http://director_yuen.mysinablog.com/index.php?op=ViewArticle&articleId=1997193 2009-10-27T07:45:23Z 2009-11-29T11:55:56Z http://director_yuen.mysinablog.com

最後攤到十二點先起身~~~~~
落街買完野，稍為打掃下就夠鐘上堂~~~~

暫時我都算幾享受上呢個英文堂，
雖然偶而都會魂遊太虛，
但三個鐘真係眨下眼就過~~~~~

早d煮飯早d食，之後一晚煲哂成套 [Claymore]~~~~
都有d興趣睇下一輯或原著漫畫~~~~~
睇到四點先訓..........]]>

http://director_yuen.mysinablog.com/index.php?op=ViewArticle&articleId=1997192 2009-10-27T07:43:35Z 2009-11-29T11:55:56Z http://director_yuen.mysinablog.com

Caroline唔行得開之餘，
Chad又唔返我實大把野做.........
原定三點去做西裝既計劃，
我都決定再延遲.........

阿邪張咭仔終於印得~~~~
好耐無出稿係HK印野........

下畫三點半做好大部份野，
但全公司已經走剩我同Caroline，
原來Ben話今日可以三點就走.........
都係下星期先去做衫........
打俾彭生問阿嘉電話，一傾就兩個鐘，
彭生已決定搵我同阿威做MC.......
話我有經驗喎.......都係一次咁大把姐~~~~~~]]>

http://director_yuen.mysinablog.com/index.php?op=ViewArticle&articleId=1995849 2009-10-26T07:24:08Z 2009-11-29T11:55:56Z http://director_yuen.mysinablog.com

公司有幾個自家廣告要做，
做左大半日，餘下留返俾Chad，
我要做返Simon個3D model........

中午去間西裝鋪，試到一件size已經唔多arm，
而且仲要R2500......如果合身都會考慮，
加上我唔多滿意個sales態度......走人~~~~
問左Claremont一間真正既tailor，
約左聽日三點去，Caroline會車我去~~~~~

四點前俾左首個工作俾Aaron，
之前一直都係練習~~~~~
到五點時佢話抄起左會返屋企做......
下？我話就算聽日唔要，
點都唔會下星期三先要喎.......
問佢個file係電腦邊度？但係搵唔到.......
咁叫佢抄返手指個file出黎......手指裡面又唔見......
即係點架？佢話cut完再paste入手指..........
但依家兩邊都唔見.........真係恐怖....撞鬼~~~
好彩我那邊廂都做緊類似既野，
佢果個無左都問題唔大........
Aaron大大話話接觸電腦都一年.......
呢d basic操作佢都仲咁混亂........]]>

http://director_yuen.mysinablog.com/index.php?op=ViewArticle&articleId=1992220 2009-10-23T07:47:50Z 2009-11-29T11:55:56Z http://director_yuen.mysinablog.com

今朝一返到公司開電腦Arthur就搵我，
問我contract renew左未？
Contract就唔使renew，因為都無期限，
但working visa就要續~~~~
我都講埋會考慮visa完左就算，
佢就叫我自己決定，
做左兩年應該都已經睇到學到唔少野~~~~~

Chad又繼續病假.......
佢今日就大部份時間都online，
全日就夾住跟佢d野~~~~~
中午過後Warren online，
因為工作問題又同Chad開火.........
Warren offline後Chad仲好慶，
我俾佢睇尋日我同Warren既開火片段，
佢都話好離譜........
Chad話佢可能搬屋同賣車問題壓力大.........
令我諗起巴士阿叔......你有壓力，我地都有壓力......

全日忙到無時間去西裝鋪，
四點半先做好哂d野........
Caroline就話不如聽日先，得返半個鐘人地就收工......
唉，咁唯有聽日先........

夜晚同小尤傾左陣，佢搵到個台灣六天郵輪團，
早報名俾錢，最平既團費只需$3000........
全程包食宿，又可以hea坐郵輪，都好吸引下~~~
但依家報緊都已經係3月既團.......唔關我事.......]]>

http://director_yuen.mysinablog.com/index.php?op=ViewArticle&articleId=1990708 2009-10-22T08:08:02Z 2009-11-29T11:55:56Z http://director_yuen.mysinablog.com

不過無再食藥，費時恰眼訓......

返到公司Caroline話Chad病左唔返.........
唔係呀嘛........今日咁多野趕.....
上晝佢online左一陣，夾好野就話要offline.......

Warren返左黎，但無幫過手，
只係睇下搞成點，中午前就走左.......

之後同Warren online傾點改........
佢話想要個file，但大得劑send唔到，
佢話唔要之後，我試到縮細份稿M數都ok，
問佢仲要唔要？佢話叫我唔好再講野，
出去食支煙先..........咩意思先？
我話唔使，佢就繼續講點改.......

佢講內文delete左個影，我問佢個title使唔使？
佢叫我concentra........
我開始有火，但我都忍住話sorry，我問太多.....

之後Chad online join埋
我send出改完之後既jpeg，Warren見個file名一樣，
就cancel左唔收，再叫我concentra再send過........
Chad見狀即話冷靜d......但Warren叫佢Shut up.....
我即刻撻著，我話你憑咩話我唔concentra？
個file名一樣係因為無改名而replace file
講完我送埋個FUCK俾Warren.......
Warren開始知我撻著，講返笑黎打完場......
之後因為要入網頁拎資料，我問係咪呢條Liink?
Warren即懶醒話：我都話要你concentra架啦
我即刻話UPC野我從來都好少掂，
何來有你地做緊未出街既address？
Warren又話咁又係...........
但佢從未無講過一句sorry~~~~~

今日我帶住病都返黎，Chad就病到唔返工，
但下晝打俾佢叫佢online，不知幾精神，
電話後面仲嘈到好似開緊party咁........

我認真問就被認為唔concentra、
Send replace file就被認為唔concentra、
做唔係自己follow既工作，
有唔知既事就被認為唔concentra、
咁....仲有咩好講？

我諗我知我衰咩，我衰太認真.....
近來一直都有感覺，跟唔到呢度既工作節奏...
唔係(跟唔上)，而係(跟唔到)........

經過今日，我認真考慮過出年visa完結後，
回港工作既可能性........正如彭生所講，
既然已經唔關Arthur事，打工就無必要去到咁遠啦~~~
我起初都係諗，當我pick up返哂，
而呢度無野再吸到既話，亦都再無必要留係呢度做........
一開始我定期限為兩年，之後因為覺得做得開心以及世界杯，
所以先考慮續證兼留到2011~~~~~~

不過，始終呢度都唔係我既地方~~~
我從來亦都唔覺得我會定居係呢度..........

其實都算好彩，因為今日被人激一激，
提醒我今年返港，順便拎定d唔等使但又唔想扔既野返去先，
反正放假返去都無乜野拎，唔係既話，
一次應該拎唔得哂咁多野走.........]]>

http://director_yuen.mysinablog.com/index.php?op=ViewArticle&articleId=1988066 2009-10-21T07:07:50Z 2009-11-29T11:55:56Z http://director_yuen.mysinablog.com

今日開始要搵西裝做~~~
上網搵到Robert介紹既鋪頭電話，
但問到已經無幫人做衫.........
lunch就去左附近一間問，
有得做，大約R1400，
Caroline話問多兩間先~~~
收工去多兩間，但兩間都收左鋪.......
到依家仲好難理解，鋪頭會收五點......
抄左電話聽日先問~~~~
返到樓下都問左間鋪，但只賣現貨，
試過一件都arm身，而且料款都幾好，
但睇睇個價，成R4000.......
如果真係要做既話，師傅都要收R5000.......
R4000.....如果日日著都可能考慮下.......

下畫開始頭赤手軟腳軟........又想病......？
返到屋企仲嚴重左，食埋尋日d隔夜粥.......
夜d食左兩粒藥沖個熱水涼好返d，
不過都11點就訓，聽日有好多野做.......]]>

http://director_yuen.mysinablog.com/index.php?op=ViewArticle&articleId=1981717 2009-10-19T08:17:26Z 2009-11-29T11:55:56Z http://director_yuen.mysinablog.com

一週心情只由惡劣稍微回升至麻麻......

Steve阿曼公幹完，而Murray返黎一星期，
Chad因為咁而準時左返工，
連收工都留多半個鐘先走......
以為佢唔會做呢d 門面野........

阿邪開始定名單，Anna、Bonnie、Leo都會請，
而Bonnie會做埋姊妹添，
唔識打扮既佢，其姊妹look完全想像唔到..........

星期五三點全公司過左PastaFactory食野，
叫做又歡送Murray~~~~~
Warren臨走時約我聽日去佢屋企附近，
有個Music Festival睇~~~~
食到飽，夜晚果餐又慳返~~~~~~

星期六兩點出門口，但一直都好猶疑去唔去.....
夜左唔搭得火車，因為太危險.........
去到miss左落車，遲一個站先落行返轉頭，
不過好近，十零分鐘就返回False Bay
約好Chad呢度等，佢就話黎緊........
我搵到Warren去埋佢屋企，足足大半個鐘後，
Chad先話黎到附近..........
唔計返工，每一次約佢都唔會準時.........

但Warren可能搞錯左，搵唔到任何Music Festival係附近
不過就係Warren屋企對面，有個湖可以釣魚.........
搵日一定要試下，但首先要買到架生.......
坐返Chad車返屋企，今日有少少老跣既感覺~~~~~

星期日訓到十二點，梳洗後就落街(笛)米煲粥~~~~~~
收到Robert既reply，係覆返我問佢邊度做西裝
約好聽日Caroline收工一齊去睇睇~~~~~~
仲有個幾月，應該唔會遲啦~~~~~

夜晚好大風，閂埋窗又吹到勒勒聲...........]]>

http://director_yuen.mysinablog.com/index.php?op=ViewArticle&articleId=1981715 2009-10-19T08:16:01Z 2009-11-29T11:55:56Z http://director_yuen.mysinablog.com

返到公司門口見到Caroline，
佢已經知哂我發生咩事，
因為差館已經打過黎公司搵我.......
覆返尋日既案發時間，因為要翻查錄影帶.....
但又問我個疑犯咩樣...........
除左個最大特徵無左一兩隻牙外，
我話其餘口供上有紀錄......

Caroline借左個舊電話俾我用，
咁就唔使呢度買，點都返香港買化算~~~

雖然有左電話，但收工都係樓下買鬧鐘，
Funny Clock.....真係夠哂Funny......
鬧鐘針撥去七點，六點七就會響..........]]>

http://director_yuen.mysinablog.com/index.php?op=ViewArticle&articleId=1981714 2009-10-19T08:14:37Z 2009-11-29T11:55:56Z http://director_yuen.mysinablog.com

而且唔少同我同月同日生日既人都會玩，
睇到佢地玩既結果就等於我玩一樣......
今日Facebook度，
又見到同月同日既人玩今日運程.....
結果係20%Lucky......原來係有玄機.........

放工時行返屋企時，半路迎面有一個人行埋黎，
呢個人唔係第一次遇到.......
佢一路跟住乞我錢，一路不停拍我膊頭，
趕佢唔走就俾佢R2，但仲唔願走
我俾多R1佢先走.......但我行多幾步覺得有d唔妥，
發現我背囊咩帶上既電話唔見左......
肯定係用手拍我時偷左......我即時轉身追.....
見佢轉入松鼠路，但佢已經跑到好遠......
我一直追到佢左轉之後唔見左.........

我係公園內兜圈搵佢不果，遇到CCID既實Q就同佢講
同佢地周圍搵都唔見，之後係Long Street上左車，
佢地車我去差館報案.......
差館坐左陣就同我落口供..........
佢地話松鼠路有閉路電視，佢地會翻查該時間片段~~~
搞到七點半先離開差館.........拿拿聲返上Gardens買鬧鐘......
但Pick n Pay無鬧鐘，其他鋪又收哂.......
係Pick n Pay走時撞到Gareth，同佢講左發生咩事
至少聽朝起唔到身，佢都知我咩事.....

返到屋企一肚氣.......食少少野就搞埋阿邪張咭~~~~~
send埋個message去Caroline Facebook，
講定今晚無鬧鐘，有機會唔知醒.........
但事後先諗返，點解唔直接send 去佢公司email？
可能我太慶諗唔到野..........

較左隻手錶alarm........但佢細聲又響得短......
唯有早少少訓..........

訓上床仲好慶........完全撻著哂~~~~
咁多年既電話無哂，唔少人除左電話就無其他聯絡方法.....
突然感覺被迫左放棄好多野........

真係唔好俾再撞到佢，我都係爛命一條，
唔會理咁多，我一定會郁佢~~~~~]]>

http://director_yuen.mysinablog.com/index.php?op=ViewArticle&articleId=1971543 2009-10-15T07:09:41Z 2009-11-29T11:55:56Z http://director_yuen.mysinablog.com

好返好多，不過仲未清哂.........

趁今日有時間，落街買紅蘿蔔同粟米後，
返上黎煲四寶素珍湯~~~~
煲到五點幾飲得，食埋d湯渣好飽，
夜晚果餐又唔使諗慳返~~~~~~
不過四人分量一晚真係飲唔哂.......
擺入雪櫃聽日再飲~~~~~

仲有兩包湯包，十一月尾到期~~~~
記得既話應該煲得切既.........

夜晚臨訓前覺得好返哂，但都o拍多兩粒藥先訓，
一個人住唔想有咩病痛........尤其係呢度~~~~
唔係死左都無人知......]]>